O día 2 de marzo tivemos a nosa primeira xornada de voluntariado no regato de Nilles. Ademais das labores de limpeza no regato e nas súas marxes, iniciamos o enchido de auga do antigo lavadoiro coa intención de ter un pequeno habitat para anfibios, que completaremos nun futuro co pequeno encoro que hai a continuación. Continuar lendo “Xornada de voluntariado o día 2 de marzo”
Acta da reunión do 14/12/2018
Asistentes:
Continuar lendo “Acta da reunión do 14/12/2018”Avisos 2018
Xornada de Limpeza no río Barcés
O 7 de outubro organizamos unha xornada de voluntariado, dentro do Proxecto Ríos. Estas xornadas veñen celebrándose desde o ano 2008 en moitos ríos de Galiza.
Inicialmente estaba convocada para o 30 de setembro pero, debido a coincidencia co outro acto, trasladámolo para o domingo seguinte.
Xuntámonos un grupo de 11 persoas no lugar de Xocín, parroquia de Barcia, e actuamos nun tramo de cerca de 1 km .
Despois de 3 horas de traballo retiramos máis de 100 kg de lixo da canle do rio. Entre os obxectos retirados temos 5 neumáticos, un fregadeiro, un inodoro e os restos dunha lavadora. A maioria destes obxectos levaban moitos anos no río.
Contamos coa colaboración do concello de Carral que aportou 2 contedores e o traslado do lixo recollido. Continuar lendo “Xornada de Limpeza no río Barcés”
XI Limpeza de Ríos
Desde o ano 2015, Proxecto Ríos de Galicia organiza xornadas de voluntariado para a limpeza simultánea de ríos. A nosa asociación acordou apoiar e difundir a iniciativa e animamos a participar na xornada deste ano que se celebra o día 30 de setembro.
Dado que moitos socios non poden asistir ese día decidimos organizar tamén unha xornada de limpeza o día 7 de outubro, de 10:30 a 13:30, no río Barcés.
Para participar contactar por
Teléfono: 698146685
Correo: brexa.asociacion@gmail.com
(É necesario contratar un seguro polo que se debe avisar con 24 h de anticipación. O importe é de aproximadamente 4 €)
Reunión día 20/09/2018
Convócase unha reunión da Asociación Brexa para o día 20 de setembro, xoves, ás 19:30, para organizar as próximas actividades. O lugar da reunión comunicaráse por correo electrónico.
VII Semana de Custodia do Territorio nas Mariñas Coruñesas
Entre os días 15 e 23 de setembro celebrarase a VII edición da Semana de Custodia do Territorio, organizada pola Fundación Fragas do Mandeo e pola Asociación de Desenvolvemento Rural Mariña-Betanzos.
Dentro do programa hai interesantes conferencias en Sada, xornadas de voluntariado ambiental no ríos Mandeo e Lambre, e a quinta edición da eco-regata na ría de Betanzos.
Día 15: Ecoregata na ría de Betanzos.
Día 16: Voluntariado na eliminación de especies invasoras.
Día 22: Xornada Ollada sobre a biodiversidade local.
Día 23: Voluntariado na limpeza simultánea de ríos.
Contacto:
correo@fragasdomandeo.org
Tel: 981 105 903
Máis información…
Xornada informativa sobre plantacións de árbores autóctonas
O día 17 de xuño xuntámonos un grupo de socios e amigos para coñecer sobre o terreo unha plantación de cerdeiras feita pola familia de Mauro, un dos nosos socios, no lugar de Lodeiro, parroquia de Tabeaio.
O obxectivo é aprender dunha experiencia nun cultivo forestal alternativo ao eucalipto e poder nun futuro próximo asesorar e promover estas plantacións como unha das actividades da asociación. Continuar lendo “Xornada informativa sobre plantacións de árbores autóctonas”
Xornada informativa
O domingo 17 de xuño ás 11:00 teremos unha xornada informativa sobre plantacións de árbores autóctonas (cerdeiras, castiñeiros,…). Visitaremos unha recente plantación de cerdeiras que realizou Mauro, técnico en aproveitamento e conservación do medio natural ademais de ecolabrego. Podedes atopar información sobre a súa actividade laboral na seguinte ligazón: https://www.facebook.com/ecolleita/. A continuación visitaremos o viveiro A Revolta onde Ivón Duo, viveirista e labrega, compartirá a súa experiencia. A reunión está aberta a calquera persoa interesada en plantar árbores autóctonas e eliminar os eucaliptos dos seus montes. O punto de encontro será no cruceiro de Tabeaio.
Custodiar o territorio
Artigo publicado por Mónica González no nº 162 da revista Novas da Galiza en dezembro de 2017.
No primeiro encontro de Mulheres em transição (Junho de 2015), ouvi frases que levavam tempo a rondar no meu corpo e ali assentaram na minha cabeça (ou foi ao revés?) Uma delas saiu da companheira Begoña de Bernardo Miño, a falar de que somos habitantes dos nossos territórios, que a nós corresponde cuidar e usufruir… desde aquela sei que prefiro identificar-me como habitante antes do que como cidadã.
Se algo de bom pudo ter a tragédia dos incêndios, foi ativar uma consciência e um novo questionamento do nosso monte e o nosso rural. Apesar de tudo, houve uma resposta rápida organizada: além das mobilizações maciças, listas de voluntariado para recuperar os solos e replantar, concertos de apoio, o canal contra-informativo Tramalume, a recolhida de ajuda a animais feridos transbordada… Como no momento do Prestige, as habitantes desta nossa terra tomaram a iniciativa.
Em momentos assim sentimos mais a importância do trabalho diário de quem leva muitos anos neste campo: Ridimoas, Amigos da Terra, a mancomunidade de Vincios, Cousa de Raíces… por nomear só alguns exemplos de gestão popular e sustentável.
Nesta ocasião vou-me centrar numa iniciativa pouco conhecida, a figura das entidades de Custódia do Território. Continuar lendo “Custodiar o territorio”