Plantando cerdeiras no Monte de Paleo

Plantación Bosque Paleo

O pasado 20 de xaneiro 50 alumnas e alumnos de 6º curso do colexio de Vicente Otero de Carral realizaron unha actividade de reforestación no Monte de Paleo, organizada pola nosa asociación.

A parcela está dentro da proposta de convenio de custodia co concello de Carral. Os alumnos foron camiñando desde o colexio ata a parcela onde plantaron unhas 100 cerdeiras de variedades autóctonas aportadas polo concello.

As concellerías de Educación, Medio Ambiente e Participación cidadá e o Servizo de Protección Civil colaboraron na organización da actividade.

Agradecemos ao alumnado o seu traballo neste novo proxecto que se inicia coa plantación e que terá que recibir nos próximos anos máis coidados ata conseguir un pequeno bosque para o desfrute de todos.

Plantando árbores no día da Nai Terra

O domingo 25 de Abril celebramos o Día da Nai Terra cunha plantación de árbores autóctonas na parcela do Muiño da Brexa.
As árbores,suministradas pola Reserva das Mariñas, son de acivro, bidueiro, avelaira, pradairo, castiñeiro e carballo e organizamos a actividade en colaboración co concello de Carral.
O mal tempo impediu a asistencia da maioría dos voluntarios. A pesares diso os 8 participantes puideron plantar os 50 exemplares de acibros, carballos, freixos e aveleiras que foron aportados pola Reserva das Mariñas.
Despois da plantación fixemos un percorrido pola parcela para que os participantes puideron apreciar a mellora do estado da parcela despois de 2 anos de traballo.
Ademáis da plantación no día 25 a concellería de Medio Ambiente colaborou co desbroce dunha zona contigua da parcela, actualmente en estado de abandono, para facilitar a plantación de máis árbores autóctonas e protexer as que están medrando de forma natural.
Colabora:

Continuar lendo “Plantando árbores no día da Nai Terra”

Xornada no Muiño da Brexa

As restricións debidas á pandemia impediron a convocatoria normal de xornadas de traballo voluntario durante os últimos meses. Con todo continuamos traballando en pequenos grupos e mantendo as medidas de seguridade e respectando as normas.

Como se pode ver nas fotos chegamos á zona do muiño e ao extremo da parcela que linda coa N550.

Se a situación mellora temos como obxectivo completar unha primeira fase de limpeza antes do verán.

Solta de aves rapaces no regato de Nilles

O domingo 26 de xullo, pola tarde, un membro do Centro de Recuperación de Fauna Silvestre de Oleiros, dependente da Consellería de Medio Ambiente, levou a cabo a solta de dous exemplares de aves rapaces.

O feito, organizado pola asociación de Custodia do Territorio ”Brexa”, tivo como escenario o lugar de Vilamouro na parroquia de Tabeaio, concello de Carral.

Eran dous exemplares novos de aves rapaces, unha avelaiona (Strix aluco) e unha curuxa (Tyto alba), que foron recollidas preto daquí cando, probablemente, caeran do niño, e trasladadas ao Centro de Recuperación, onde permaneceron, ata que os veterinarios consideraron que xa estaban en condicións de facer vida autónoma.

Testemuñas, ademais do referido membro do Centro de Recuperación de Fauna Silvestre de Oleiros, membros da Asociación de Custodia do Territorio “Brexa” e un representante do Grupo Naturalista Habitat. No medio, tres nenos marabillados diante daqueles animaliños que saian dunha caixa de cartón e, despois, levantaban o vo.

Un pequeno acontecemento moi significativo polo que representa de coidado e protección da natureza. Desexámoslles unha longa vida en liberdade.

Aves no Regato de Nilles

ANTHUS PRATENSIS

Pica dos prados
Regato de Nilles

EMBERIZA CIRLUS LINNAEUS

Escribenta Común, macho
Regato de Nilles, marzo 2019

Bubela, Regato de Nilles, Xuño 2019 por Mariela Caramelo

Upupa epops

Bubela
Regato de Nilles, xuño 2019

Chasco Monte Nilles

SAXICOLA RUBICOLA

Chasco, femia
Regato de Nilles, marzo 2019

TROGLODYTES TROGLODYTES

Carrizo común
Regato de Nilles, xuño 2019

Xornada de voluntariado no Muiño da Brexa

O 16/02/2020 tivemos unha nova xornada de voluntariado no Muiño da Brexa, a primeira deste ano. Continuamos co desbroce do mato e corta de árbores caídas. Tamén se retiraron varias bolsas de lixo, principalmente plásticos.
Despois de varias xornadas temos preparados uns 300 m da ribeira e vimos a necesidade de repoñer árbores en algunhas zonas. Grazas a axuda de Daniela, a nosa socia máis nova, ao longo da mañá plantamos 25 freixos. Continuar lendo “Xornada de voluntariado no Muiño da Brexa”

Aves no entorno do Muiño da Brexa

Carrizo común (Troglodytes troglodytes)

Carrizo común, Muiño da Brexa, Xaneiro 2020 por David Chas

Estorniño pinto (Sturnus vulgaris)

Estorniño pinto, Muiño da Brexa, Xaneiro 2020 por David Chas

Ferreiriño bacachís, Ferreiriño azul (Parus caeruleus)

Ferreiriño azul, Muiño da Brexa, Xaneiro 2020 por David Chas

Ferreiriño subeliño (Aeghitalus caudatus)

Ferreiño subeliño,Muiño da Brexa, Xaneiro 2020 por David Chas,

Melro común (Turdus merula)

Melro, Muiño da Brexa, Xaneiro 2020 por David Chas,

Papuxa das amoras femia (Sylvia atricapilla)

Papuxa das amoras (femia), Muiño da Brexa, Xaneiro 2020 por David Chas,

Pardal común (Passer domesticus)

Pardal común, Muiño da Brexa, Xaneiro 2020 por David Chas,

Peizoque (Erithacus rubecula)

Peizoque, Muiño da Brexa, Xaneiro 2020 por David Chas,

Peto real (Dendrocopus major)

Peto Real,Muiño da Brexa, Xaneiro 2020 por David Chas,

Verderolo común (Carduelis chloris)

Verderolo común, Muiño da Brexa, Xaneiro 2020 por David Chas,

Anfibios no entorno do Muiño da Brexa

ANFIBIOS

Durante os meses de novembro e decembro de 2019 puidemos observar e identificar un gran número de anfibios gracias ao noso socio David Chas e os herpetólogos Miguel Puras Rivas,  Rafael Vázquez e Martiño Rivas.

Consulta as fichas de identificación da SGHN.

Ra Vermella (Rana Temporaria)

ra vermella

Ra patilonga (Rana Ibérica)

ra vermella

Ra das veigas, sapo raxado (Discoglossus galganoi)

Continuar lendo “Anfibios no entorno do Muiño da Brexa”